Улсын нөөцийн тухай хуульд нэмэлт, өөрчлөлт оруулах тухай хуулийн төслийг өргөн мэдүүлэв

Barimt.mn
2026/10/23

Монгол Улсын Их Хурлын дарга С.Бямбацогтод өнөөдөр /2026.10.23/ Монгол Улсын Шадар сайд Н.Номтойбаяр Улсын нөөцийн тухай хуульд нэмэлт, өөрчлөлт оруулах тухай хуулийн төслийг өргөн мэдүүлэв.

Улсын нөөцийн удирдлага эрх зүйн тогтолцоог боловсронгуй болгох, гамшгийн үеийн бэлэн байдал шуурхай ажиллах чадавхыг бэхжүүлэх зорилгоор хуулийн төслийг боловсруулсан гэдгийг Шадар сайд энэ үеэр тодотголоо. Мөн энэ хүрээнд орон нутгийн нөөцийн удирдлага, хяналтын тогтолцоог боловсронгуй болгох, нөөцийн хэрэгцээг тодорхойлоход мэргэжлийн байгууллагуудын оролцоог хангах, нөөцийн нэгдсэн мэдээллийн сан болон цахим удирдлагыг нэвтрүүлэх, агуулахын дэд бүтэц, санхүүжилтийн механизмыг шинэчлэх, бараа материалыг сэлгэх үйл ажиллагааг технологижуулах, гамшгийн үед шийдвэр гаргах ажиллагааг түргэн шуурхай болгоход чиглэсэн эрх зүйн зохицуулалтуудыг төсөлд тусгасан гэж байлаа.

viber_image_2026-10-23_12-53-56-455.jpg

Монгол Улсын Их Хурлын дарга С.Бямбацогт улсын төсвийн хөрөнгийг үр ашигтай зарцуулж, стартегийн нөөц бүрдүүлэх нь чухал асуудал гэдгийг онцлов. Тэрбээр, улсын нөөц бүрдүүлэх, агуулах савыг бэлтгэх, бараа бүтээгдэхүүн элэгдсэн, хуучирсан нөхцөлд сэлгээ хийхэд багагүй хөрөнгө зарцуулж байгаа. Иймд улсын нөөц бүрдүүлэхэд зарцуулдаг хөрөнгийг дотооддоо үйлдвэрлэдэг гэдгээр хязгаарлахгүйгээр стратегийн нөөцөд хамаарах шатахуун, цагаан будаа зэрэг зарим бараа, бүтээгдэхүүнүүдээ хувийн хэвшлүүдэд өөрсдийнх нь нөөцийн агуулах саванд нь стандартыг дагуу хадгалуулах, улмаар нөхөх сэлгэх асуудлыг ч хариуцуулж, үүнд нь холбогдох байгууллага, Онцгой байдлын ерөнхий газар нь хяналтаа чанд тавих чиглэлд анхаарах шаардлагатай гэлээ.

viber_image_2026-10-23_12-53-57-677.jpg

Хуулийн төсөл 5 зүйлтэй бөгөөд төсөл батлагдсанаар дараах эерэг үр дагавар гарна гэж тооцсон байна. Тухайлбал, улсын нөөцийн үйл ажиллагааг шуурхай, үр дүнтэй зохион байгуулах эрх зүйн таатай орчин бүрдэх төдийгүй орон нутгийн нөөцийг тогтоосон хэмжээнд бүрдүүлэх, хадгалах, зарцуулах, хяналт тавих үйл ажиллагааны чиг үүрэг, хүлээх хариуцлага тодорхой болсноор гамшгаас хамгаалах орон нутгийн чадавх дээшилнэ. Улсын нөөцийн бараа, материалын үлдэгдэл, хөдөлгөөнийг мэдээллийн нэгдсэн сангаар дамжуулан хянах нөхцөл бүрдэж, нөөцийн удирдлага, төлөвлөлт болон зориулалтын дагуу зарцуулалт сайжирна гэж төсөл санаачлагчид үзжээ.

viber_image_2026-10-23_12-53-58-095.jpg

Түүнчлэн орон нутгийн нөөцийг бие даан бүрдүүлснээр тухайн бүс нутагт тохиолдсон гамшиг, ослын үед нэрвэгдэгсдэд нэн шаардлагатай тусламж, үйлчилгээг цаг алдалгүй, шуурхай хүргэх удирдлагын тогтолцоо бүрдэхийн зэрэгцээ улс орны хэмжээнд гамшгаас хамгаалах бэлтгэл ажил, хариу арга хэмжээ авах бэлэн байдлын түвшин чанарын шинэ шатанд гарна гэж тооцжээ хэмээн Улсын Их Хурлын Нээлттэй парламентын газраас мэдээлэв.


0
angry
0
care
0
haha
0
liked
0
love
0
sad
0
wow

Шинэ мэдээ
“Нюанс” хамтлаг 25 жилийн түүхээ нэгэн тайзнаа эгшиглүүлнэ 11 цагийн өмнө
УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл би… 11 цагийн өмнө
Төрийн худалдан авах ажиллагааны тогтолцоог боловсронгуй болгох асуудл… 13 цагийн өмнө
УИХ-ын гишүүд Хөгжлийн бэрхшээлтэй иргэдийн бодлогын зөвлөлтэй уулзлаа Өчигдөр
Л.Энх-Амгалан: 2027 онд 6, 7-р ангийн 140 мянган сурагчийг “Үдийн хоол… Өчигдөр
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэм… Өчигдөр
М.Отгонцэцэг: Бид натурал, массажаар, үүдэл эсээр гэрэлтсэн, үрчлээгүй… 2026/11/12
Энэ улирлаас эхлэн нэгдүгээр ангийн сурагчдад сэтгэл хөдлөлийн хичээл … 2026/11/12
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгд… 2026/11/11
ХЭҮК-ын гишүүний сонгон шалгаруулалтад 20 иргэнийг бүртгэхээр тогтов 2026/11/11
УИХ-ын дарга С.Бямбацогт “Монгол бахархлын өдөр”-ийн ёслолд оролцож, И… 2026/11/10
УИХ-ын дарга С.Бямбацогт: Бидний үүрэг бол дэлхийн хөгжилд хувь нэмэр … 2026/11/10
УИХ-ын дарга С.Бямбацогт: Төрийн хүч эрх мэдэлд бус, ард түмнийхээ итг… 2026/11/09
УИХ-ын дарга С.Бямбацогтын “Их Засаг ба Хууль засаглахуй” эрдэм шинжил… 2026/11/09
Эд хөрөнгийн эрхийн улсын бүртгэлийн тухай хуульд нэмэлт, өөрчлөлт ору… 2026/11/06
Их Монгол Улс байгуулагдсаны 820 жилийн түүхэн ойд зориулсан хүндэтгэл… 2026/11/05
Эрүүл мэндийн ажилтны тухай хуулийн төслийн хэлэлцэх эсэх хэлэлцүүлгээ… 2026/11/05
Гадаад валютын улсын нөөц 8.76 тэрбум ам.долларт хүрлээ 2026/11/05
Монгол Улсын Их Хурлын дарга С.Бямбацогт НҮБ-ын Суурин зохицуулагчийг … 2026/10/28
Усны тухай хууль /Шинэчилсэн найруулга/-ийн төсөл өргөн мэдүүлэв 2026/10/23