Монгол Улсын Их Хурлын дарга С.Бямбацогт НҮБ-ын Суурин зохицуулагчийг хүлээн авч уулзав

Barimt.mn
2026/10/28

Монгол Улсын Их Хурлын дарга С.Бямбацогт өнөөдөр /2026.10.28/ НҮБ-ын Суурин зохицуулагч Яап ван Хиердэнийг хүлээн авч уулзан, Монгол Улс, НҮБ-ын хамтын ажиллагааны чиглэл, цаашид анхаарах асуудлаар санал солилцлоо.

УИХ-ын дарга С.Бямбацогт өмнө нь Засгийн газрын Хэрэг эрхлэх газрын даргаар ажиллаж байхдаа НҮБ-ын Суурин зохицуулагч Яап ван Хиердэнтэй төрийн байгууллагуудын уялдаа холбоо, хүн ам, тэр дундаа залуусын гэр бүл, нийгмийн асуудлаар ярилцаж байснаа дурсан ярив. Хөдөөд ганц бие малчин залуусын тоо нэмэгдэж байгаа бол хот, төв суурин газарт ганц бие бүсгүйчүүдийн тоо өсөж байгаа нь хүн амын өсөлт саарах болсон нь нийгмийн тулгамдсан асуудал болж байгааг онцоллоо. Тиймээс Монгол Улс, НҮБ-ын 2028–2032 оны хамтын ажиллагааны хүрээний чиглэл, зорилтыг тодорхойлохдоо хүн ам, нийгмийн асуудалд анхаарах талаар ярилцлаа.

viber_image_2026-10-28_16-29-21-906.jpg

Мөн УИХ-ын дарга Монгол Улсын Их Хурал парламентын ардчиллыг бэхжүүлэх, хууль тогтоох үйл явцад олон нийт, иргэний нийгмийн оролцоо, хяналтыг хангах, ил тод, хүртээмжтэй байдлыг шинэ шатанд гаргах зорилго бүхий “Нээлттэй парламент” шинэчлэлийг хэрэгжүүлж байгааг онцоллоо.

viber_image_2026-10-28_16-25-14-420.jpg

Цаашид НҮБ-тай хамтын ажиллагааны хүрээнд хэрэгжихгүй байгаа хууль тогтоомжийн хэрэгжилтийг хангах, парламентын хяналтын механизмыг бэхжүүлэх, засаглалын салбар хоорондын уялдаа холбоо, институцийн чадавхыг нэмэгдүүлэх чиглэлээр хамтран ажиллах сонирхлоо илэрхийлэв.

viber_image_2026-10-28_16-25-15-821.jpg

Түүнчлэн УИХ НҮБ-ын Хүүхдийн сан, Монголын Скаутын холбоотой хамтран 2021 оноос “Өсвөрийн парламент” хөтөлбөрийг жил бүр хэрэгжүүлж ирсэн нь хүүхэд, залуучуудад парламентын боловсрол олгоход үр дүнтэй байгааг онцлон тэмдэглэв. Цаашид уг хөтөлбөрийг нээлттэй парламент зорилттой уялдуулан залуусын оролцоог нэмэгдүүлэх чиглэлээр хөтөлбөрийг үргэлжлүүлэхээр тохиролцов.

Мөн Монгол Улс НҮБ-ын Хүний эрхийн дээд комиссарын газартай хамтран Ази, Номхон далайн бүсийн хүний эрхийн сургалт, судалгааны төвийг Улаанбаатар хотноо байгуулах асуудалд ахиц гарч буйг тэмдэглэлээ.

viber_image_2026-10-28_16-25-14-903.jpg

НҮБ-ын Суурин зохицуулагч Яап ван Хиердэн өмнөх уулзалтаар хөндөгдсөн хот, хөдөөгийн хүн амын дээрх асуудлаар НҮБ-ын Хүн амын сан судалгаа хийж, Засгийн газарт танилцуулахад бэлэн болсон талаар мэдээлэв. Мөн 2028–2032 оны хамтын ажиллагааны хүрээний төлөвлөлт хийгдэж байгаа бөгөөд хүн амын тулгамдсан асуудал, уул уурхайн баялгийг хүний сайн сайханд чиглүүлэх, бүс орон нутгийн хөгжлийг дэмжихэд анхаарч байгаагаа илэрхийллээ.

viber_image_2026-10-28_16-25-16-651.jpg

Уулзалтад УИХ-ын гишүүн А.Ундраа, УИХ-ын даргын зөвлөх Д.Оюунчимэг, П.Тамир, болон албаны бусад төлөөлөл оролцлоо гэж Улсын Их Хурлын нээлттэй парламентын газраас мэдээллээ.

viber_image_2026-10-28_16-25-14-017.jpgviber_image_2026-10-28_16-25-12-279.jpgviber_image_2026-10-28_16-25-17-048.jpg


0
angry
0
care
0
haha
0
liked
0
love
0
sad
0
wow

Шинэ мэдээ
“Нюанс” хамтлаг 25 жилийн түүхээ нэгэн тайзнаа эгшиглүүлнэ 11 цагийн өмнө
УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл би… 11 цагийн өмнө
Төрийн худалдан авах ажиллагааны тогтолцоог боловсронгуй болгох асуудл… 13 цагийн өмнө
УИХ-ын гишүүд Хөгжлийн бэрхшээлтэй иргэдийн бодлогын зөвлөлтэй уулзлаа Өчигдөр
Л.Энх-Амгалан: 2027 онд 6, 7-р ангийн 140 мянган сурагчийг “Үдийн хоол… Өчигдөр
УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэм… Өчигдөр
М.Отгонцэцэг: Бид натурал, массажаар, үүдэл эсээр гэрэлтсэн, үрчлээгүй… 2026/11/12
Энэ улирлаас эхлэн нэгдүгээр ангийн сурагчдад сэтгэл хөдлөлийн хичээл … 2026/11/12
“Оюу Толгой” ХХК 2027 оноос ногдол ашиг олгоно гэдгээ захидлаар мэдэгд… 2026/11/11
ХЭҮК-ын гишүүний сонгон шалгаруулалтад 20 иргэнийг бүртгэхээр тогтов 2026/11/11
УИХ-ын дарга С.Бямбацогт “Монгол бахархлын өдөр”-ийн ёслолд оролцож, И… 2026/11/10
УИХ-ын дарга С.Бямбацогт: Бидний үүрэг бол дэлхийн хөгжилд хувь нэмэр … 2026/11/10
УИХ-ын дарга С.Бямбацогт: Төрийн хүч эрх мэдэлд бус, ард түмнийхээ итг… 2026/11/09
УИХ-ын дарга С.Бямбацогтын “Их Засаг ба Хууль засаглахуй” эрдэм шинжил… 2026/11/09
Эд хөрөнгийн эрхийн улсын бүртгэлийн тухай хуульд нэмэлт, өөрчлөлт ору… 2026/11/06
Их Монгол Улс байгуулагдсаны 820 жилийн түүхэн ойд зориулсан хүндэтгэл… 2026/11/05
Эрүүл мэндийн ажилтны тухай хуулийн төслийн хэлэлцэх эсэх хэлэлцүүлгээ… 2026/11/05
Гадаад валютын улсын нөөц 8.76 тэрбум ам.долларт хүрлээ 2026/11/05
Монгол Улсын Их Хурлын дарга С.Бямбацогт НҮБ-ын Суурин зохицуулагчийг … 2026/10/28
Усны тухай хууль /Шинэчилсэн найруулга/-ийн төсөл өргөн мэдүүлэв 2026/10/23