БОЛОВСРОЛ, ШИНЖЛЭХ УХААНЫ ЯАМНААС БАГШ НАРЫН БОЛОВСРОЛЫН БАРИМТ БИЧИГТ ХИЙСЭН ШАЛГАЛТЫН ҮР ДҮН, ҮҮНТЭЙ ХОЛБООТОЙ ЦААШИД ХЭРЭГЖҮҮЛЭХ АЖЛЫН ТАЛААР МЭДЭЭЛЭЛ ХИЙЖ БАЙНА.
БШУ-ны сайд Л.Энх-Амгалан: “Сургууль цэцэрлэг, багш ажилтны дипломын асуудалд шалгалт хийсэн талаарх үр дүнг танилцуулъя. Өнгөрөгч онд Архангай аймагт хүүхэд зодсон багш дипломгүй байсан асуудал хөндөгдсөн. Иргэдээс ч гомдол санал ирдэг. Бид энэ шалгалтыг зургаан сарын хугацаанд хийлээ. Энэ шалгалтыг зогсоох, ажлын хэсгийн хүмүүсийг дарамтлах, мөн 400 гаруй хуурамч байж магадгүй гэсэн цаасан бичиг баримт яамнаас алдагдсан. Энэ амралтын өдрүүдэд бичиг баримт, компьютерын хард алга болсныг онцлох хэлье. Энэ ажлын хүрээнд нийт 71 мянган дипломыг шалгалаа. Үүнээс өнөөдрийн байдлаар 59 мянган дипломыг шалгалаа. Өнөөдрийн байдлаар 442 хуурамч диплом илэрч, цаана нь 2000 сэжигтэй диплом байна” гэв.
