Шанхайн хамтын ажиллагааны байгууллагын гишүүн орнуудын Төрийн тэргүүнүүдийн 22 дахь удаагийн дээд хэмжээний уулзалт Узбекстан улсын Самаркан хотод энэ сарын 15-16-ны өдрүүдэд болно. Дээд хэмжээний уулзалтад Монгол Улсын Ерөнхийлөгч У.Хүрэлсүх биечлэн оролцох аж. Энэ талаар Ерөнхийлөгчийн тамгын газрын дарга Я.Содбаатар “Монгол Улсын Ерөнхийлөгч У.Хүрэлсүх Шанхайн хамтын ажиллагааны байгууллагын хуралд оролцоно. Энэ үеэр БНХАУ болон ОХУ-ын удирдлагуудтай гурван талт уулзалт хийхээр төлөвлөж байна. Эдийн засгийн хамтын ажиллагаа тэр дундаа нүүрсний экспортын асуудлыг хөндөнө” гэсэн юм. Шанхайн хамтын ажиллагааны байгууллагын ажиглагч гишүүний статус хүртсэн хоёрдахь улс нь Монгол юм. Манай улс 2004 оноос хойш тус хуралд ажиглагчийн байр сууринаас оролцож байна.
Сүүлийн үеийн мэдээллэл
Улаанбаатар-Замын-Үүд- Эрээний зорчигчийн галт тэрэгний үйлчилгээг сэргээлээ
Цар тахлын улмаас гурван жилийн хугацаанд түр зогсоод байсан Улаанбаатар-Замын-Үүд-Эрээн чиглэлийн зорчигчийн галт тэрэг энэ сарын 31-ний өдрөөс эхлэн аялахаар боллоо.
Эхний галт тэрэг наймдугаар...