Европын Холбоо болон түүний гишүүн орнуудаас Монгол Улсад суугаа Элчин сайд нарын ээлжит уулзалтыг 2017 оны 11 дүгээр сарын 1-3-ны өдрүүдэд Улаанбаатар хотноо зохион байгуулж байна. Уулзалтад Европын Холбооноос Монгол Улсад суугаа Онц бөгөөд Бүрэн эрхт Элчин сайд Ханс Дийтмар Швайсгут тэргүүтэй 25 гишүүн орны Элчин сайд, төлөөлөгчид оролцож байна.

Гадаад харилцааны сайд Д.Цогтбаатар Элчин сайд нарыг өнөөдөр Төрийн ордонд хүлээн авч уулзан, Монгол Улсын Засгийн газрын бодлого, үйл ажиллагаа, гадаад бодлогын зорилтын талаар мэдээлэл өгөхийн сацуу Монгол Улс, Европын Холбооны харилцаа, хамтын ажиллагаа, Европын Холбооны хөгжлийн хамтын ажиллагааны хэрэгжилт, 2017 оны 11 дүгээр сарын 1-ний өдрөөс хүчин төгөлдөр үйлчилж буй Монгол Улс, Европын Холбооны хоорондын Түншлэл, хамтын ажиллагааны хэлэлцээрийг хэрэгжүүлэх хүрээнд гишүүн орнуудаас Монгол Улс руу чиглэсэн хөрөнгө оруулалтыг нэмэгдүүлэх зэрэг асуудлаар санал солилцоно.

Уулзалтын дараа Европын Холбооны Төлөөлөгчийн газрыг Улаанбаатарт нээхтэй холбогдуулан “Европын Холбооны Төлөөлөгчийн газрыг Монгол Улсад байгуулах, түүний эрх ямба, дархан эрхийн тухай Монгол Улсын Засгийн газар, Европын Холбоо болон Европын Атомын Эрчим Хүчний Нийгэмлэг хоорондын хэлэлцээр”-т Гадаад харилцааны сайд Д.Цогтбаатар, Европын Холбооноос Монгол Улсад суугаа Элчин сайд Ханс Дийтмар Швайсгут нар гарын үсэг зурна. Монгол Улсын Засгийн газрын бодлого, үйл ажиллагааг Европын Холбоо болон түүний гишүүн орнуудад танилцуулж, хамтын ажиллагааг эрчимжүүлэх зорилгоор Элчин сайд нарын уулзалтыг жил бүр зохион байгуулж ирсэн уламжлалтай.

Уулзалтын дараа Европын Холбооны Төлөөлөгчийн газрыг Улаанбаатарт нээхтэй холбогдуулан “Европын Холбооны Төлөөлөгчийн газрыг Монгол Улсад байгуулах, түүний эрх ямба, дархан эрхийн тухай Монгол Улсын Засгийн газар, Европын Холбоо болон Европын Атомын Эрчим Хүчний Нийгэмлэг хоорондын хэлэлцээр”-т Гадаад харилцааны сайд Д.Цогтбаатар, Европын Холбооноос Монгол Улсад суугаа Элчин сайд Ханс Дийтмар Швайсгут нар гарын үсэг зурна. Монгол Улсын Засгийн газрын бодлого, үйл ажиллагааг Европын Холбоо болон түүний гишүүн орнуудад танилцуулж, хамтын ажиллагааг эрчимжүүлэх зорилгоор Элчин сайд нарын уулзалтыг жил бүр зохион байгуулж ирсэн уламжлалтай.

ХАРИУ ҮЛДЭЭХ

Please enter your comment!
Please enter your name here